Home » Ek ek kar ke har tasveer ko aag lagayi kamre mein – اک اک کر کے ہر تصویر کو آگ لگائی کمرے میں

Ek ek kar ke har tasveer ko aag lagayi kamre mein – اک اک کر کے ہر تصویر کو آگ لگائی کمرے میں

Ek ek kar ke har tasveer ko aag lagayi kamre mein

Maine apne maazi ki phir raakh urai kamre mein
Kitne din tak deewaron par seem rahi thi ashqon se
Kitne din tak maine teri yaad manayi kamre mein
Mujhko jab yeh aas hui tum laut ke vaapas aoge
Do aankhein dehleez pe rakh kar raat bitayi kamre mein
Tum jab laut ke aa bhi gaye to hont mere khamosh rahe
Ashqon ke sailaab ne lekin inteha machayi kamre mein
Bahar manzar bheega raha hai woh bhi bheega hoga
Dekh rahe hain jis ka rasta haath hinaayi kamre mein
Deewaron ne ek dooje ke kaan mein kuch sargoshi ki
Teri meri maine jab tasveer lagayi kamre mein
Tanhai aur sunaate ne zehr bhara jab kaanon mein
Phir maine deewar pe ek tasveer banayi kamre mein
Roshan daan se ek parinda pehlu mein aa baitha hai
Maar rahi thi warna mujhko yeh tanhai kamre mein
Use pata hai kuch din aur main zinda rehna chahti hoon
Rakh jaata hai mera beta roz dawai kamre mein

Kanwal Malik

اک اک کر کے ہر تصویر کو آگ لگائی کمرے میں

میں نے اپنے ماضی کی پھر راکھ اڑائی کمرے میں

کتنے دن تک دیواروں پر سیم رہی تھی اشکوں سے
کتنے دن تک میں نے تیری یاد منائی کمرے میں

مجھ کو جب یہ آس ہوئی تم لوٹ کے واپس آؤ گے
دو آنکھیں دہلیز پہ رکھ کر رات بِتائی کمرے میں

تم جب لوٹ کے آ بھی گئے تو ہونٹ مرے خموش رہے
اشکوں کے سیلاب نے لیکن انت مچائی کمرے میں

باہر منظر بھیگ رہا ہے وہ بھی بھیگ رہا ہوگا۔۔؟
دیکھ رہے ہیں جس کا رستہ ہاتھ حنائی کمرے میں

دیواروں نے اک دوجے کے کان میں کچھ سرگوشی کی
تیری میری میں نے جب تصویر لگائی کمرے میں

تنہائی اور سناٹے نے زہر بھرا جب کانوں میں
پھر میں نے دیوار پہ اک تصویر بنائی کمرے میں

روشن دان سے ایک پرندہ پہلو میں آ بیٹھا ہے
مار رہی تھی ورنہ مجھ کو یہ تنہائی کمرے میں

اسے پتا ہے کچھ دن اور میں زندہ رہنا چاہتی ہوں
رکھ جاتا ہے میرا بیٹا روز دوائی کمرے میں

کنول ملک
Kanwal Malik



More Reading

Post navigation

Leave a Comment

Leave a Reply

Your email address will not be published. Required fields are marked *